Jul 27 2026 | २०८३, श्रावण ११गते
इन्डोर प्लान्टहरू रोप्ने चलन निकै बढेको छ । यसले घर सुन्दर देखाउन मात्र नभइ वरिपरिको वातावरणलाई पनि सफा, स्वच्छ राख्न निकै मद्दत गर्दछ ।
इन्डोर प्लान्ट घरको कोठा, बार्दली, भर्याङ जस्ता ठाउँमा सजाउन सकिन्छ ।
धेरै इन्डोर प्लान्टहरू मध्ये एक हो– रबर प्लान्ट । रबर प्लान्ट ठूला र चिल्ला पात भएको बिरुवा हो । यो बिरुवा घरमा रोप्दा यसले वरिपरिको हावालाई स्वच्छ राख्न मद्दत गर्छ । रबर प्लान्टलाई उज्यालो, अप्रत्यक्ष प्रकाश आउने ठाउँमा रोप्न सकिन्छ ।
यो यस्तो बिरुवा हो जसलाई माटो सुख्खा भएपछि मात्र पानी हाल्नु पर्छ । यो बिरुवा घरको जुनै कोठाको झ्यालको छेउमा राख्न सकिन्छ ।
यसले ताजा हावा प्रदान गर्न मद्दत गर्छ । यसले हावामा रहेको कार्बनडाइअक्साइडको मात्रा सोसेर अक्सिजन प्रदान गर्न मद्दत गर्छ । रबर प्लान्ट राम्रो एयर प्युरिफायर हो । यसले घरमा रहेको हानिकारक धुलोका कणहरूलाई हटाउन मद्दत समेत गर्दछ ।
