Sep 16 2026 | २०८३, भाद्र ३१गते
काठमाडौं - नबिल बैंक लिमिटेडको सहायक कम्पनी नबिल सेक्युरिटिज लिमिटेडको प्रमुख कार्यकारी अधिकृत (सीईओ) मा वरिष्ठ चार्टर्ड एकाउन्टेन्ट सुरेश देवकोटा नियुक्त भएका छन् ।
नबिल सेक्युरिटिजको सञ्चालक समितिले देवकोटालाई आजदेखि लागु हुने गरी चार वर्षका लागि सीईओमा नियुक्त गरेको हो ।
दुई दशक लामो बैंकिङ क्षेत्रको अनुभव हासिल गरेका देवकोटा यसअघि नबिल बैंक लिमिटेडको प्रमुख लगानी अधिकृतको रूपमा कार्यरत थिए ।
२०६२ सालमा नेपाल बैक लिमिटेडबाट आफ्नो बैंकिङ करियर सुरु गरेका उनले १५ वर्ष लामो समय नेपाल बंगलादेश बैंकमा काम गरे ।
नबिल बैंकले नेपाल बंगलादेश बैंकको प्राप्तिपछि उनले प्रमुख लगानी अधिकृतको जिम्मेवारी पाएका थिए ।
