Jul 27 2026 | २०८३, श्रावण ११गते
काठमाडौं । रास्वपा सभापति रवि लामिछानेले विभिन्न मिडिया हाउसअघि गाडी तेर्स्याउने कुरा पार्टीले गम्भीररुपमा लिएको बताएका छन् ।
उनले रास्वपाकै कार्यकर्ता भए पनि कारबाही हुने आश्वासन पनि दिए ।
संसद् भवनबाट बाहिरिने क्रममा उनले यस्तो बताएका हुन् ।
“पार्टीले भनिसक्यो, छानबिन हुनुपर्छ,” उनले भने, “पार्टीले गम्भीरतापूर्वक लिएको छ । यसलाई तत्काल के गरियो फरक कुरा हो । घटनालाई हेर्ने पार्टीको दृष्टिकोण स्पष्ट छ । पार्टी अडिग छ । रास्वपाकै नेता कार्यकर्ता भए पनि कारबाही हुन्छ । रास्वपा आफ्नै सांसदलाई ७२ घण्टाभित्रै कारबाही गरेको पार्टी हो ।”
