Sep 18 2026 | २०८३, आश्विन २गते
नेकपा (एकीकृत समाजवादी) का महासचिव घनश्याम भुसालले कांग्रेसका कोही पनि भ्रष्ट नेताहरु नपक्रिने शर्तका साथ वर्तमान सरकार बनेको दाबी गरेका छन् ।
पार्टीको प्रथम उपत्यका प्रदेश अधिवेशनलाई सम्बोधन गर्दै उनले कांग्रेसका कोही पनि भ्रष्ट नपक्रिने शर्त पालना गरेकै कारण शेरबहादुर देउवाले अहिले दिनदिनै ओलीजीले राम्रो गर्नुभएको छ भनिरहेको उनले बताए।
देखाउनका लागि ओली नेतृत्वको सरकारले राष्ट्रिय स्वतन्त्र पार्टीका सभापति रवि लामिछानेसहित आफ्नै केही नेताहरु पक्रिए पनि कांग्रेसलाई नछुने उनको दाबी छ । ‘ओलीजीले दिनदिनै राम्रो काम गर्नुभएको छ भन्नुहुन्छ हाम्रो देउवाजीले । किनभने कांग्रेसका कोही पनि भ्रष्टहरु नपक्रिने कुराको ग्यारेन्टी छ । यतिबाहेक केही छैन । यो चाहीँ ओलीजीले ग्यारेन्टी गर्नु भएको छ । कांग्रेस चाहीँ उहाँले छुनुहुन्न,’– उनले भने ।
साथै, एमाले र कांग्रेसको वर्तमान गठबन्धनले कुनै निकास नदिने उनको दाबी छ । नेकपाकै सरकार हुँदा पनि ओली इमानदार नभएको बताउँदै उनले यो सरकार बसुन्जेल नालायकी बनिरहने र दमनकारी भएर जाने उनको दाबी छ ।
