Sep 18 2026 | २०८३, आश्विन २गते
पोखरा - नेपाली कांग्रेसका हरेक नेता कार्यकर्ताले ५ जना नयाँ साथी बनाउन विज्ञले सुझाव दिएका छन् ।
कांग्रेस केन्द्रीय नीति, अनुसन्धान तथा प्रशिक्षण प्रतिष्ठानका सदस्य डा. कृष्ण पौडेलले आगामी ५ महिनाभित्र हरेक कांग्रेसीले ५ जना नयाँ सदस्य थप्ने योजना बनाउनुपर्ने बताएका हुन् ।
पोखरामा ७७ वटै जिल्लाका सभापति र प्रशिक्षण विभाग प्रमुखलाई पढाउँदै उनले भने, ‘कम्तीमा पनि ५ जना नयाँ साथी ५ महिनाभित्र बनाउन लगाऊँ ।
निर्वाचनको दिनमा हरेकले बनाएका ५ जना साथी मध्ये कम्तीमा पनि २ जनालाई नेपाली काँग्रेसको चुनाव चिन्हमा भोट हाल्न लगाऊँ ।’पौडेलले कांग्रेसको नेतृत्वमा भएका आर्थिक सामाजिक विकासका बारेमा सहभागीहरूलाई तथ्यांकीय सहजीकरण गरेका थिए ।
उनले २०४६ अघि र त्यसपछिको विकासका बारेमा कांग्रेसले लिएका नीति, त्यसले पारेका प्रभावबारे जानकारी गराए ।
