Sep 18 2026 | २०८३, आश्विन २गते
संघीय संसदको हिउँदे अधिवेशन शुक्रबारदेखि सुरू भएको छ।
संघीय संसदका दुवै सदन (प्रतिनिधि सभा र राष्ट्रिय सभा) को बैठक पनि शुक्रबार दिउँसो १ बजेपछि सुरू भएको थियो।
प्रतिनिधि सभामा प्रधानमन्त्री केपी शर्मा ओलीले सम्बोधन गरेका छन्। त्यसपछि सभामुख देवराज घिमिरेले दलीय आधारमा बोल्न समय दिएका थिए।
प्रधानमन्त्री ओलीपछि कांग्रेस सभापति शेरबहादुर देउवा र नेकपा (एमाले) का सचिव योगेश भट्टराई बोलेका थिए।
त्यसपछि बोल्ने पालो माओवादी केन्द्रको आयो। अध्यक्ष पुष्पकमल दाहाल 'प्रचण्ड' ले बोल्ने आकलन गरिए पनि प्रमुख सचेतक हितराज पाण्डे बोल्न गए।
अधिवेशन सुरू हुँदाका बैठकमा प्रधानमन्त्री, प्रतिपक्षी दल नेता र शीर्ष नेता बोल्ने प्रचलन छ।
अध्यक्ष प्रचण्डका स्वकीय सचिव रमेश मल्लका अनुसार अध्यक्ष प्रचण्डले अर्को बैठकमा बोल्नेछन्।
‘उहाँले अर्को बैठकमा सम्बोधन गर्नु हुनेछ,’ उनले सेतोपाटीसँग भने, ‘दलीय आधारमा बोल्ने हुँदा समयको पावन्दी लाग्नेजस्तो देखियो त्यसैले आज उहाँ बोल्नु भएन।’
