Sep 18 2026 | २०८३, आश्विन २गते
नेकपा (माओवादी केन्द्र) निकट विद्यार्थी संगठन अखिल (क्रान्तिकारी)को चुनावको मतगणनाका क्रममा फेरि तनाव भएको छ। मतपत्र गन्ने क्रममा प्रतिनिधिले मतपत्रमा पानी खन्याइदिएपछि लफडा भएको हो।
मधेश प्रदेशमा जारी मतगणनाका क्रममा खसेको मतभन्दा मतपत्र कम भेटिएपछि तनाव भएको हो। मधेशमा १५९ मत खसेकोमा १५४ मत मात्र भेटिएपछि विवाद भएको हो।
अध्यक्षका उम्मेद्वार हेमन्त राई पक्षका एक विद्यार्थी नेताका अनुसार जनार्दन पक्षले जित्ने निश्चित भएपछि माओवादी अध्यक्ष प्रचण्ड र उपमहासचिव शक्तिबहादुर बस्नेत गुटले मतपत्रमा पानी खन्याएको दाबी गरे। महासचिवका उम्मेदवार सञ्जय महतोका प्रतिनिधिले मतपेटिकामा पानी खन्याएका उनको दाबी छ।
मधेश प्रदेशमा अध्यक्षका उम्मेदवार उपदेश यादवले सबैभन्दा बढी ६७ मत ल्याएका छन्। हेमन्त राईले ४१, विजयप्रकाश शर्मा सापकोटाले ४० र सुदिन पौडेलले एक मत पाएका छन्।
मतपत्रमा पानी खन्याएपछि पुनः निर्वाचनको माग बढेको छ।
