Sep 18 2026 | २०८३, आश्विन २गते
काठमाडौं - सहकारी ठगी प्रकरणमा फरार रहेका गितेन्द्रबाबु राईको राहदानी रोक्का गरिएको छ ।
राहदानी विभागलाई कास्की जिल्ला प्रहरी कार्यालयले जिबीको राहदानी रोक्का राखिदिन भन्दै पत्राचार गरेको थियो ।
सोही पत्राचारको आधारमा उनको राहदानी रोक्का राखिएको हो । कास्की जिल्ला प्रहरीले जिबीको राहदानी रद्द गरिदिनसमेत पत्राचार गरेको थियो । तर, विभागले राहदानी रद्द गर्न नमिल्ने बताएसँगै रोक्का राखिएको हो ।
राहदानी ऐन २०७६ मा व्यवस्था भएबमोजिम राहदानी अध्यागमन, भ्रष्टाचार, सम्पत्ति सुद्धीकरण, मानव बेचबिखन, अपहरण, लागूऔषध, अवैध हातहतियारर कारोबार, संगठित अपराध र आतङ्कवाद सम्बन्धि कसुृरको अभियोगमा अनुसन्धान अधिकारीले राहदानी जारी नगर्न वा रोक्का राख्न लेखी पठाउन सक्ने व्यवस्था रहेको छ ।
राईविरुद्ध पनि सहकारी ठगी, संगठित अपराध, सम्पत्ति सुद्धीकरणलयातका अभियोग छ ।
