Sep 17 2026 | २०८३, आश्विन १गते
काठमाडौँ– अन्तर्राष्ट्रिय मैत्रीपूर्ण फुटबलमा नेपालले भोलि म्यान्मारसँग खेल्दैछ ।
विश्वकप २०२६ पहिलो चरणको छनोटको तयारीमा याङ्गुनमा रहेको नेपाली राष्ट्रिय फुटबल टिमले दोस्रो मैत्रीपूर्ण खेलमा घरेलु टिम म्यानमारविरुद्ध प्रतिस्पर्धा गर्न लागेको हो ।
सो प्रतिस्पर्धा थुवुना रंगशाला, याङगुनमा नेपाली समय अनुसार भोलि दिउँसो सवा ४ बजे सुरु हुनेछ ।
गत शुक्रबार भएको पहिलो खेल गोलरहित अवस्थामा टुंगिएको थियो । उक्त खेलमा अधिकांश समय म्यानमारले पाहुना टोली नेपाललाई दबाबमा राखेको थियो ।
फिफा वरीयतामा नेपाल १ सय ७५औँ स्थानमा रहेको छ भने म्यानमार १ सय ६०औँ स्थानमा छ ।
यसपछि नेपालले लाओससँग खेल्नेछ भने म्यानमारले मकाउविरुद्ध खेल्ने छ ।
छनोटको प्रतिस्पर्धा होम एन्ड अवेका आधारमा आउने अक्टोबरमा सञ्चालन हुनेछ ।
