Sep 16 2026 | २०८३, भाद्र ३१गते
नेपाल कम्युनिस्ट पार्टी (नेकपा) विभाजित भएपछि राजनीतिक रूपमा उथलपुथल भइरहेका बेला प्रधानमन्त्री केपी शर्मा ओली पक्षीय नेकपामा रहेका सुदूरपश्चिम प्रदेशका आर्थिक मामिला तथा योजना मन्त्री झपटबहादुर बोहराले राजीनामा दिएका छन् ।
नेकपा विभाजनपछि प्रचण्ड–नेपाल पक्षीय नेकपा बलियो देखिएको सुदूरपश्चिम सरकारबाट मन्त्री बोहराले राजीनामा दिएको घोषणा गरेका छन् ।
बुधबार धनगढीमा पत्रकार सम्मेलन आयोजना गर्दै मन्त्री बोहराले राजीनामा दिएको बताए ।
यससँगै उनी प्रधानमन्त्री केपी शर्मा ओली पक्षीय नेकपामा खुलेका छन् । यसअघि उनले कित्ता क्लीयर गरेका थिएनन् ।
ओली पक्षमा लागेका भौतिक पूर्वाधार विकास मन्त्री पठान बोहरालाई मुख्यमन्त्री त्रिलोचन भट्टले यसअघि नै पदमुक्त गरेका थिए । अब सुदूरपश्चिममा प्रचण्ड–नेपाल पक्षीय एकलौटी सरकार हुने भएको छ । रिक्त २ पदमा मन्त्री हुन प्रचण्ड–नेपाल नेकपाभित्र लुछाचुडी हुनेछ ।
