Sep 17 2026 | २०८३, आश्विन १गते
खोटाङ- लगातारको वर्षातका कारण मध्यपहाडी लोकमार्ग अन्तर्गत जयरामघाट–हलेसी सडक अवरुद्ध भएको छ।
हलेसी तुवाचुङ नगरपालिका–३ च्यास्मिटार सडकमा सोमबार सडकभन्दा सय मिटर माथीबाट झरेको पहिरोले अन्दाजी दश मिटर सडक पूर्णरुपमा ढाकेको छ ।
पहिरोका कारण सदरमुकाम दिक्तेलबाट र काठमाडौं तथा पुर्वी शहरबाट आवत-जावतका सवारीसाधन र यात्रु अलपत्र बनेको हलेसी तुवाचुङ नगरपालिकाका प्रवक्ता कमल गिरीले जानकारी दिए।
सोही पहिरोले दाम्ली डिकुवा जाने भित्री कच्ची सडक खण्डमा २० मिटर सडक ढाकेको प्रहरीले जनाएको छ।
अवरुद्ध सडक खुलाउन प्रहरी चौकी च्यास्मिटारबाट खटेको प्रहरीले पहल थालेका छन्।
