Sep 18 2026 | २०८३, आश्विन २गते
मकवानपुर - हजुरबुवाले बारीमा रहेको रुख ढाल्ने क्रममा च्यापिएर शुक्रबार साँझ १ जना नाबालकको मृत्यु भएको छ।
मकवानपुरको इन्द्रसरोवर गाउँपालिका–२ खानीखेतका १२ वर्षीय आदर्श पुडासैनीको मृत्यु भएको प्रहरीले जनाएको छ । हजुरबुवा भागीरथ पुडासैनीले शुक्रबार दिउँसो रुख काटेका थिए ।
त्यस क्रममा ढलेको रुखले च्यापिएर उनका नाति आदर्श गम्भीर घाइते भए ।
थप उपचारका लागि त्रिभुवन विश्वविद्यालय शिक्षण अस्पताल लगिएको थियो ।
उपचारकै क्रममा साँझ मृत्यु भएको प्रहरीले जनाएको छ । बालकको शव त्रिवि शिक्षण अस्पतालकै शवगृहमा राखिएको छ ।
प्रहरीले घटनाको थप अनुसन्धान अघि बढाएको छ ।
