Sep 18 2026 | २०८३, आश्विन २गते
काठमाडौं, ६ पुस -काठमाडौं महानगरपालिकाले प्रमुख प्रशासकीय अधिकृत सरोज गुरागाईँलाई कारबाहीको सिफारिस गरेको छ ।
काठमाडौं महानगरपालिकाको आधिकारिक नक्सा पास प्रणाली भन्दा बाहिर गइ नक्सापास स्वीकृति दिएको पाइएपछि उनलाई कारबाहीको लागि सिफारिस गरिएको महानगरले जनाएको छ ।
काठमाडौंको पुरानो बसपार्कमा निर्माणाधीन भ्यू–टावरको नक्सा पास प्रक्रियामा उनको अस्वभविक चलखेल देखिएको महानगरले बताएको छ ।
‘सो भवनको नक्सा हालसम्म स्वीकृत भएको छैन । भवन निर्माणको नक्सा पास कागजातको अनुमतिपत्रमा प्रमुख प्रशासकीय अधिकृत सरोज गुरागाईँले आधिकारिक प्रणालीबाट प्रक्रिया नै पूरा नगरी नक्सा स्वीकृत गरेको देखिन्छ ।
यस विषयमा थप छानविन गरी नियमविपरीत कार्य गर्ने जो कसैलाई कानुनबमोजिम कारबाही प्रक्रियाका लागि सम्बन्धित निकायसमक्ष सिफारिस गरिन्छ,’– महानगरका प्रवक्ता नविन मानन्धरले भने ।
