Sep 16 2026 | २०८३, भाद्र ३१गते
काठमाडौं - बाँकेमा बलात्कारको आरोपमा एक युवक पक्राउ परेका छन् । पक्राउ पर्नेमा दैलेखको दुल्लु नगरपालिका–६, धामीगाउँका २३ वर्षीय सुरेश रावल छन् ।
१५ वर्षीया किशोरीको बलात्कार गरेको आरोपमा मंगलबार (हिजो) बिहान प्रहरीले उनलाई नियन्त्रणमा लिएको हो ।
ती किशोरीलाई घुम्न जाऊँ भनी ललाइफकाइ गएको बिहीबार नेपालगन्ज उपमहानगरपालिका–१, पुष्पलाल चोकस्थित होटेलमा लगी बलात्कार गरेको रावलमाथि आरोप छ ।
सो उजुरीपछि जिल्ला प्रहरी कार्यालय बाँकेबाट खटिएको टोलीले उनलाई नियन्त्रणमा लिई थप अनुसन्धान गरिरहेको जनाइएको छ ।
