Sep 17 2026 | २०८३, आश्विन १गते
खोटाङ - ट्याक्टर दुर्घटना हुँदा खोटाङमा एक यूवाको मृत्यु भएको छ।
मंगलबार दिउँसो दिक्तेलस्थित अल्छेढुङ्गामा ट्याक्टर दुर्घटना हुँदा खोटेहाङ गाउँपालिका वडा नम्बर–१ लिकुवापोखरी घर भएका अन्दाजी १९ वर्षका सञ्विज खड्काको मृत्यु भएको हो।
घटनाको विषयमा थप अनुसन्धान भइरहेको घटनास्थलमा खटिएका जिल्ला प्रहरी कार्यालयका प्रहरी निरीक्षक गोविन्द कुमार शाहले जानकारी दिए।
सोल्माबाट दिक्तेल आउँदै गरेको को २ त ८५७९ नम्बरको ट्याक्टर दुर्घटनामा परेको उनको भनाई छ। ट्याक्टर ओभर स्पिडमा कुदाईएको र घटना घटेको हुन सक्ने अनुमान गरिएको शाहको भनाई छ।
