Sep 17 2026 | २०८३, आश्विन १गते
खोटाङ - भीरबाट लडेर खोटाङमा एक जनाको मृत्यु भएको छ । साथीको आमालाई भेटेर फर्कनेक्रममा इलामको सूर्यादय नगरपालिका वडा नम्बर -४ घर भएका ३० वर्षीय राकेश राईको मृत्यु भएको हो ।
हलेसी तुवाचुङ नगरपालिका वडा-७ महादेवस्थानस्थित जुगु भीरबाट लडेर करिव ३० मिटर तल खसेका राई घटनास्थलमै मृत अवस्थामा फेला परेको इलाका प्रहरी चौकी हलेसीका प्रहरी निरीक्षक दिनेशप्रसाद खरेल जानकारी दिए।
साथीको आमालाई भेटेर फर्किएका राई जुगुभीरमा भुँइमा खसेको बाँसको पातमा चिप्लीएर लडेको हुन सक्ने प्राररम्भीक अनुशन्धानबाट खुलेको खरलेको भनाई छ।
बिहिबार साँझ ७ बजे राईलाई लडेर मृत अवस्थामा स्थानीयबासिले भेटेपछि प्रहरीलाई जानकारी आएको खरेलको भनाई छ।
लामो समयदेखि होटल संचालन गर्दै आएका मृतक राईका दिदी भीनाजुलाई होटेल संचालन गर्न सहयोग गर्दै आएका मृतक राई साथीको घर गई फर्कने क्रममा लडेको बताइएको छ। राईको शव पोष्टमार्टमका लागि जिल्ला अस्पताल दिक्तेल पठाइएको प्रहरीले बताएको छ ।
