Sep 18 2026 | २०८३, आश्विन २गते
खोटाङमा गोरु काटेको आरोपमा तीन जना पक्राउ परेका छन्। दिक्तेल रुपाकोट मझुवागढी नगरपालिका वडा नम्बर-२ सोल्माको मुढेस्थित दिखुवा भन्ने ठाउँमा आइतबार दिउँसो करिब ४ बजे गोरु काटेर बेचिरहेको अवस्थामा तीन जना पक्राउ परेका हुन्।
पक्राउ पर्नेमा दिक्तेल रुपाकोट मझुवागढी नगरपालिका-१२ जालपाका ३९ वर्षीय जयराम तामाङ, ३५ वर्षीय खगेन्द्र तामाङ र ४० वर्षीय गणेश तामाङ रहेका छन्।
उनीहरूको साथबाट गोरु काट्न प्रयोग गरिएको एउटा बन्चरो र चार वटा खुकुरी पनि बरामद गरिएको जिल्ला प्रहरी कार्यालयका प्रवक्ता प्रहरी निरीक्षक सागर साहले बताए।
उनीहरूलाई पक्राउपछि थप अनुसन्धान सुरु गरिएको उनको भनाई छ।
