Sep 18 2026 | २०८३, आश्विन २गते
असार २०, खोटाङ - विश्वभरी महामारीको रुपमा रहेको कोरोना भाइरस (कोभिड-१९) को संक्रमण खोटाङमा पनि तीव रुपमा फैलिएको छ।
यो भाइरसको संक्रमणमा परेकी खोटाङको दिप्रुङ चुइचुम्मा गाउँपालिका वडा नम्बर १ याम्खाकी २४ वर्षीय एक संक्रमित महिलाले बच्चा जन्माएकी छिन।
ति महिलाले शनिबार राती स्वस्थ बच्चा (छोरी)लाई जन्म दिएकी हुन्। शनिबार दिउँसो अस्थायी कोभिड अस्पतालमा याम्खामा भर्ना भएकी महिलाले आफू संक्रमित भएपनि स्वस्थ्थ बच्चा जन्माएको गाउँपालिका अध्यक्ष भुपेन्द्र राईले जानकारी दिए।
अहिले आमा र बच्चाको स्वास्थ्य अवस्था सामान्य रहेको स्वास्थ्यकर्मीले बताएका छन्।
महिलालाई ५ दिनअघि कोभिड संक्रमण पूष्टि भएको थियो। नवजात शिशुको तौल ३ सय ग्राम रहेको स्वास्थ्यचौकी याम्खाले जनाएको छ।
कोभिड संक्रमणको बीच ति महिलाले पहिलो सन्तान जन्माएकी हुन्।
