Sep 18 2026 | २०८३, आश्विन २गते
असार १, काठमाडौं - सिन्धुपाल्चोकमा लगातार परेको वर्षाका कारण आएको बाढीले हेलम्बु, मेलम्चीलगायतका बजारमा जोखिममा पारेको छ । बेलुकातिरबाट परेको वर्षाका कारण मेलम्चीमा ठूलो बाढी आएको बताइएको छ । मेलम्ची नजिकै रहेको सशस्त्र प्रहरीको क्याम्प बगाएको छ । कैयौँ हताहती भएको आशंका रहेको प्रमुख जिल्ला अधिकारी अरुण पोखरेलले जानकारी दिए । उनका अनुसार अहिलेसम्म केही बेपत्ता भएको आशंका गरिएको भए पनि पुष्टि हुन सकेको छैन । “गाउँमा पानी पसेको छ । एकघण्टाभित्र आएको पानीले यो वितन्डा मच्चाएको हो,” उनले भने, “अहिले त्यस क्षेत्रमा बत्ती गएको हुनाले उद्धारमा पनि समस्या भएको छ । बेपत्ता भएका भनिएकाहरु बाढी आएपछि माथितिर सरेको पनि हुन सक्छ तर अहिलेसम्म केही सम्पर्कमा छैनन् ।”
