Sep 18 2026 | २०८३, आश्विन २गते
काठमाडौं - नेकपा (एमाले) को खनाल-नेपाल समूहले अध्यक्ष केपी शर्मा ओलीले पार्टी विभाजनको लागि २७ सांसदहरुलाई स्पष्टीकरण सोधेको निष्कर्ष निकालेको छ।
ओलीले आज स्पष्टीकरणपत्र थमाएपछि बानेश्वरमा बसेको खनाल-नेपाल समूहको बैठकपश्चात प्रतिक्रिया दिँदै नेत्री रामकुमारी झाँक्रीले पार्टी विभाजनको पक्षमा ओली एक वर्षअघिदेखि नै रहेको आरोप लगाइन्।
०७७ वैशाखमा ओलीले अध्यादेश ल्याएर पार्टी विभाजन गर्न खोजेको र त्यसपछि निरन्तर पार्टी विभाजनको पक्षमा रहेको आरोप पनि उनले लगाइन्।
आज २७ जनाका लागि सोधिएको स्पष्टीकरण पनि त्यसैको उपज भएको उनको भनाइ थियो। उनले आफूहरुले दल त्याग नगरेको र नयाँ दल खोल्ने पक्षमा नरहेको पनि जानकारी दिइन्।
खनाल-नेपाल समूहले ओलीले सोधेको स्पष्टीकरणको व्यक्तिगत जवाफ पनि दिने भएको छ।
