Oct 10 2026 | २०८३, आश्विन २४गते
नेपाली कांग्रेसका सभापति एवं पूर्वप्रधानमन्त्री शेरबहादुर देउवा र वरिष्ठ नेता रामचन्द्र पौडेलबीच मञ्चमै टकराव भएको छ।
शुक्रबार काठमाडौंमा आयोजित निजामती कर्मचारी युनियन संघको विधान अधिवेशन उद्घाटन कार्यक्रममा दुवै शीर्षनेताबीच कुराकानीकै क्रममा टकराव भएको हो।
कार्यक्रमको उद्घाटनमै वरिष्ठ नेता पौडेलले प्रधानमन्त्री ओलीलाई हटाउने विषयमा सभापति देउवाले अग्रसरता नलिएको अभिव्यक्त राखेका थिए।
तर, आफुहरुसँग संसदमा क्षमता नै नभएको देउवाले स्पष्ट पारेका थिए। यही कुराकानीपछि मञ्चको अगाडि नेता पौडेलले देउवाको अगाडि दुवै हातको इसारा गर्दै केही कुरा बोलेका छन्।
त्यसको जवाफ देउवाले पनि हातको ईसारा गर्दै दिएका छन्।
दुवै नेताहरुबीच मञ्चको अगाडि रमाइलो किसिमले छलफल भएको दृष्य देखिएको थियो। त्यतिबेला कार्यक्रममा उपस्थितहरु हासेका थिए।
