Jul 27 2026 | २०८३, श्रावण ११गते
काठमाडौं - गौरीगंगा नगरपालिका–३ का सदस्य निरज चौधरीको घरमा स्थानीय एक युवती मृत फेला परेसँगै तनाव उत्पन्न भएको छ।
जिल्ला प्रहरी कार्यालय कैलालीका डिएसपी तथा प्रवक्ता प्रतिक विष्टका अनुसार आइतबार विहान वडा सदस्य चौधरीको घरको कोठामा युवतीको लाश फेला परेको हो।
घटनाबारे प्रहरीलाई नौ बजे खबर भएको थियो। प्रहरीका अनुसार घटना शनिबार राति वा बिहान ६–७ बजे भएको हुनसक्छ। घटनास्थलको प्रारम्भिक अनुसन्धान भइरहेको बताइएको छ।
घटनास्थलमा मृतक कोठा बाहिरबाट बन्द र खुला भूइँमा टेकेको अवस्था थियो।
डिएसपी विष्टले घटना सम्बन्धमा थप अनुसन्धान भइरहेको बताउँदै अहिले केही भन्न सक्ने अवस्था नरहेको जानकारी दिनुभयो।
