Sep 17 2026 | २०८३, आश्विन १गते
जेठ २०, खोटाङ - खोटाङको साकेला गाउँपालिका–४ मात्तिमका जनप्रतिनिधिले वडाबासीलाई मास्क वितरण गरेका छन् । कोभिड–१९ को संक्रमणबाट सर्वसाधारणलाई जोगाउनका लागि वडाध्यक्ष र वडा सदस्यले व्यक्तिगत खर्चमा मास्क वितरण गरेका हुन् । वडाका ४३५ घरधुरीका २ हजार ५८० जनालाई मास्क वितरण गरिने वडाध्यक्ष कृष्णप्रसाद भट्टराईले बताए । हाल वडा सदस्य र शिक्षक सम्मिलित चार समुह बनाएर बुधबारदेखि मास्क वितरणसंगै सचेतनामूलक कार्यक्रम गरिएको हो । गाउँपालिकाको निर्णय अनुसार गाउँपालिकाले अन्यत्रबाट आएका व्यक्तिलाई अनिवार्य १४ दिन क्वारेन्टिनमा राख्ने र पिसिआर परीक्षण गरेर नेगेटिभ रिपोर्ट आएपछि मात्र घर पठाउने व्यवस्था मिलाइएको वडाध्यक्ष भट्टराईले बताए ।
