Sep 17 2026 | २०८३, आश्विन १गते
कोरोना भाइरसको संक्रमणबाट खोटाङका तीन पुरुषको एकैदिन मृत्यु भएको छ।
मंगलबार केपिलासगढी गाँउपालिका वडा नम्बर–४ बाक्सिलाका ८२ वर्षीय पुरुष, दिक्तेल रुपाकोट मझुवागढी नगरपालिका वडा नम्बर–७ चिउरीडाँडाका ६२ वर्षीय पुरुष र खोटेहाङ गाउँपालिका वडा नम्बर–८ सिम्पानीका ६५ वर्षीय पुरुषको मृत्यु भएको स्वास्थ्य कार्यालय खोटाङका प्रमुख पुण्य प्रसाद सिक्देलले जानकारी दिए ।
बाक्सिलाका पुरुषको घरमै, चिउरीडाँडाकाका पुरुषको काठमाडौं र सिम्पानीका पुरुषको विराटनगरमा उपचारकोक्रममा मृत्यु भएको बताइएको छ। सिम्पानीका पुरुषलाई केही दिन अघि कोरोना पुष्टि भएको र अस्पताल भर्ना गरिएको थियो ।
उनको मृत्युपश्चात भने कोरोना परीक्षणमा रिपोर्ट नेगेटिभ आएको आफन्तले बताएको सिक्देलको भनाई छ।
