Nov 07 2026 | २०८३, कार्तिक २२गते
खोटाङ - खोटाङमा थप ९४ जनामा कोरोना संक्रमण पुष्टि भएको छ। पिसिआर तथा एन्टिजेन परीक्षण गर्दा उनीहरुमा संक्रमण पुष्टि भएको हो।
आइतबार प्रभाव न्यूज डेक्सले यो समाचार तयार पार्दासम्म जिल्ला अस्पतालमा ७ जना, जन्तेढुंगा गाउँपालिकामा १ जना, हलेसी तुवाचुङ नगरपालिकामा ५ जना, साकेला गाउँपालिकामा ३२ जना, दिप्रुङ चुइचुम्मा गाउँपालिकामा १६ जना, रावाबेंशी गाउँपालिकामा १८ जना, दिक्तेल रुपाकोट मझुवागढी नगरपालिकामा ६ जना, खोटेहाङ गाउँपालिकामा ५ जना र केपिलासगढी गाउँपालिकामा ४ जनामा संक्रमण पुष्टि भएको स्वास्थ्य कार्यालयले खोटाङले जनाएको छ।
योसँगै जिल्लाभरी संक्रिय संक्रमित ४३१ पुगेको छ। हालसम्म २९ जनाले कोरोना जित्दा २ जनाले कोरोनाबाट ज्यान गुमाएका छ्न्।
हालसम्म दिक्तेल रुपाकोट मझुवागढी नगरपालिकामा १५३ जना, हलेसी तुवाचुङ नगरपालिकामा ४५ जना, साकेला गाउँपालिकामा ५२ जना, ऐसेलुखर्क गाउँपालिकामा ४१ जना, रावाबेसी गाउँपालिकामा ४२ जना, केपिलासगढी गाउँपालिमा १४ जना, खोटेहाङ गाउँपालिकामा २२ जना, जन्तेढुंगा गाउँपालिकामा ३९ जना तथा दिप्रुङ चुइचुम्मा गाउँपालिकामा २३ जना संक्रिय संक्रमित छन्।
