Jul 27 2026 | २०८३, श्रावण ११गते
झापा – प्रतिनिधिसभाका सभामुख देवराज घिमिरे बिर्तामोड नगर अस्पताललाई लाखौं मूल्य बराबरको स्वास्थ्य तथा प्राविधिक सामग्री हस्तान्तरण गर्नुभएको छ ।
दातृ संस्था हेल्पिङ हेण्ड फर रिलिफ एण्ड डेभलपमेन्ट युएसएले वर्क फर नेपालको व्यवस्थापकीय सहयोगमा बिर्तामोड नगर अस्पताललाई प्रदान गरेको ६८ लाख बराबरको एक सय ३६ प्रकारका विभिन्न अस्पतालजन्य सामग्री सभामुख घिमिरेले हस्तान्तरण गर्नुभएको हो ।
झापाको बिर्तामोड–३ स्थित बिर्तामोड नगर अस्पताललाई स्वास्थ्य तथा प्राविधिक सामग्री हस्तान्तरण कार्यक्रममा सम्बोधन गर्नुहुँदै सभामुख घिमिरेले पछिल्लो समय सरकारी अस्पताल सुविधा–सम्पन्न बन्दै गएकाले आमनागरिकले गुणस्तरीय सेवा प्राप्त गर्न थालेको बताउनुभयो ।
