Nov 02 2026 | २०८३, कार्तिक १७गते
खोटाङ- दर्शनार्थी चढेको बस दुर्घटना भएको छ । प्रदेश नम्बर– २ सप्तरीबाट हलेसी दर्शनका लागि दर्शनार्थी बोकेर आएको बा ३ ख ९२८५ नम्बरको बस दुर्घटना भएको हो।
हलेसी दर्शन गराएर दर्शनार्थी बोकेर सप्तरी फर्किदै गरेको उक्त बस हलेसी तुवाचुङ नगरपालिका वडा नम्बर– १ बाहुनीडाँडाको कदुवामा शनिबार दुर्घटनामा परेको हो।
दुर्घटनामा घटनास्थलमा एक जनाको मृत्यु भएको र २२ जना गम्भीर घाईते भएको जिल्ला प्रहरी कार्यालयका प्रहरी नायव उपरिक्षक नारायण प्रसाद चिमोरियाले प्रभाव न्यूजलाई जानकारी दिए ।
गम्भीर घाईते २२ जनालाई बिराटनगर, गाईघाट, काठमाडौं रेफर गरिएको उनको भनाई छ । अन्य १२ भन्दा बढी सामान्य घाईते भएको र स्थानीय स्वास्थ्य चौकीमा प्राथामिक उपचार भइरहेको घटनास्थल पुगेका चिमोरियाले बताए ।
बसमा कति यात्रु सवार थिए भन्ने खुलेको छैन। मृतकको पनि नाम ठेगाना खुल्न बाँकी रहेको उनको भनाई छ।
