Oct 08 2026 | २०८३, आश्विन २२गते
काठमाडौं । आज नेपाली कांग्रेसका जिल्ला सभापतिहरूको बैठक बस्दैछ । सानेपास्थित पार्टी केन्द्रीय कार्यालयमा दिउँसो १२ बजे बैठक बस्न लागेको हो ।
वडा तहदेखि जिल्ला सम्मेलनसम्मका कार्यक्रमहरु भए या नभएको विवरण र अबको योजनासहित जिल्ला सभापतिहरु उपस्थित हुनेछन् ।
पार्टी महामन्त्री गगन थापाले जिल्ला सभापतिहरूलाई छलफलका लागि काठमाडौं बोलाएका हुन् ।
बैठकमा जिल्लाका प्रतिनिधि सभा, प्रदेश सभा क्षेत्रीय कार्यसमिति, गाउँ, नगरपालिका र वडा कार्यसमितिका पदाधिकारी तथा सदस्यहरुको नामावली र सम्पर्क नम्बरसहित उपस्थित हुन निर्देश गरिएको छ ।
बैठकमा पार्टीको सदस्यता वितरण, नवीकरणबारे छलफल हुने महामन्त्री थापाले बताएका छन् ।
दुई दिनसम्मम चल्ने बैठकमा क्रियाशील सदस्यता, नवीकरण तथा अभिलेखीकरण र पार्टीको विधानअनुसार गरिनुपर्ने कार्यहरुमाथि छलफल हुुने छ ।
