Nov 02 2026 | २०८३, कार्तिक १७गते
खोटाङ- करेन्ट लागेर खोटाङमा एक युवाको ज्यान गएको छ । माछा मार्ने क्रममा करेन्ट लाग्दा साकेला गाउँपालिका-४ मात्तिमका घर भएका ३७ वर्षीय निरकुमार चाम्लिङ राईको ज्यान गएको हो।
रावाबेसीं गाउँपालिका–१ कुभिण्डेस्थित रावाखोलामा करेन्ट लगाएर माछा मार्ने क्रममा मृतक राईले लगाएको करेन्ट आफैलाई लाग्दा उनको घटनास्थलमै मृत्यु भएको जिल्ला प्रहरी कार्यालयले जानकारी दिएको छ।
मृतक राईको शवलाई परिक्षणका लागि जिल्ला अस्पताल दिक्तेलमा ल्याइएको जिल्ला प्रहरी कार्यालय खोटाङका प्रहरी निरिक्षक गोविन्द प्रसाद साहले बताए।
जिल्लाको विभिन्न खोलाहरुमा लुकिछिपी करेन्ट लगाएर माछा मार्ने गरेको पाईन्छ ।
