Nov 03 2026 | २०८३, कार्तिक १८गते
बझाङ- खुँडा प्रहार गरी हत्या गरिएका युवकका हत्या आरोपित तीन जना पक्राउ परेका छन् ।
छब्बिसपाथिभेरा गाउँपालिका–३ मा रहेको बान्नीचौर माध्यामिक विद्यालयको व्यवस्थापन समितिको चुनाव सकेर घर फर्किने क्रममा मङ्गलबार साँझ भएको विवादपछि खुँडा प्रहार गर्दा वर्ष २७ का अमृत सिंहको मृत्यु भएको थियो।
खुँडा प्रहार गर्नेमध्येका एक जना सोही गाउँपालिका-२ का वर्ष ३२ का ज्ञानबहादुर कडायतलाई मङ्गलबार नै घटनास्थलबाटै पक्राउ गरिएको थियो। सोही ठाउँका फरार रहेका अन्दाजी वर्ष ३० का प्रकाश ऐडी र केदार ऐडीलाई बुधबार थलारा गाउँपालिकाबाट पक्राउ गरिएको जिल्ला प्रहरी कार्यालय बझाङले जानकारी दिएको छ।
छविसपाथिभेरा–३ मा रहेको बान्नीचौर माध्यमिक विद्यालयको व्यवस्थापन समितिको चुनाव सकेर घर फर्किने क्रममा मङ्गलबार साँझ भएको विवादपछि खुँडा प्रहार गर्दा सिंहको ज्यान गएको हो।
उक्त विद्यालयको व्यवस्थापन समितिमा नेपाली कांग्रेसको प्यानलले नै जितेको थियो। मारिएका अमृत कांग्रेसको भातृ संगठन नेपाल तरुण दलमा आवद्ध थिए। उनीमाथी नेकपाको प्रचण्ड, नेपाल समूह निकटका यूवाहरुले खुँडा प्रयोग गरि हत्या गरेको बताइएको छ।
