Sep 17 2026 | २०८३, आश्विन १गते
खोटाङको साकेला गाउँपालिका–२ रतन्छा मबुका वडासदस्य रत्नप्रसाद फुयाँलको भीरबाट लडेर मृत्यु भएको छ।
शनिबार रतन्छाबाट मबु जानेक्रममा स्थानीय वाकुर्तुम जंगलमा रहेका भीरबाट लडेर वडासदस्य फुयाँलको मृत्यु भएको हो। करिब तीन सय मिटर तल खसेका फुयाँलको घट्नास्थलमै मृत्यु भएको रतन्छाका वडाध्यक्ष उन्नत राईले बताए।
फुयाँल २०७४ सालको स्थानीय तहको निर्वाचनमा तत्कालिन माओबादी केन्द्रकातर्फबाट वडा सदस्यमा विजयी भएका थिए।
गाउँपालिका उपाध्यक्षलाई पितृशोक
ऐसेलुखर्क गाउँपालिकाका उपाध्यक्ष पुष्पकला भुजेललाई पितृशोक परेको छ। उपाध्यक्ष भुजेलको ८८ वर्षीय बुवा भक्तबहादुर भुजेलको शनिबार निधन भएको हो।
ऐसेलुखर्क गाउँपालिका–३ ऐसेलुखर्क दिम्मापातेलका भक्तबहादुरको काठ्माण्डौंबाट घर लैजानेक्रममा बाटैमा मृत्यु भएको हो।
