खोटाङमा १०८ विद्यार्थीले दिएनन् एसइई

सांकेतिक तस्विर

खोटाङ – खोटाङमा एसइईका १०८ विद्यार्थी परीक्षामा अनुपस्थित भएका छन्। आईतबार सुरु भएको परीक्षाको पहिलो दिन रेगुलरतर्फ ७६ जना र एक्जाम्टेडतर्फ ३२ विद्यार्थी अनुपस्थित भएको शिक्षा विकास तथा समन्वय इकाई खोटाङका प्राविधिक सहायक तीर्थबहादुर विश्वकर्माले बताए।

दुई नगरपालिका र आठ गाउँपालिका रहेको खोटाङमा रेगुलरतर्फ ३ हजार ८०३ जना र एक्जाम्टेडतर्फ १३० विद्यार्थीले एसईई परीक्षाका लागि फर्म भरेका थिए। एसइई परीक्षामा जिल्लामा प्राविधिक शिक्षातर्फका ९३ विद्यार्थी पनि सामेल भएका छन्। रेगुलरतर्फका कुल बिद्यार्थीमध्ये पञ्च माबि दिक्तेलका कृषि प्राबिधिकतर्फका ४५ जना र सीमपानी माविका कम्प्यूटर प्राविधिकतर्फका ४८ जना विद्यार्थी एसइई परीक्षामा सामेल भएका हुन्।