बुधबार, भदौ ४, २०७६
Wednesday, Aug 21, 2019
Prabhav News

ताप्लेजुङ फक्ताङलुङबाट ९ थान भरुवा बन्दुक नियन्त्रणमा



ताप्लेजुङ फक्ताङलुङबाट ९ थान भरुवा बन्दुक नियन्त्रणमा

ताप्लेजुङ – जिल्ला प्रहरी कार्यालय ताप्लेजुङले पछिल्लो एक महिनामा एकै गाउँपालिकाबाट नौ वटा भरुवा बन्दुक नियन्त्रणमा लिएको छ । फक्ताङलुङ गाउँपालिकामा पर्ने साविकका ईखाबु, खेजेनिम र लिङ्खीम गाविसबाट ९ थाना भरुवा बन्दुक र एउटा भरुवा बन्दुक कै नाल नियन्त्रमा लिईएको जिल्ला प्रहरी कार्यालय ताप्लेजुङले बताएको छ ।

परम्परागत रुपमा र अवैधानिक तवरले लुकाई छिपाई राखिएका हातहतियार संकलन तथा खोजतलास गरि नियन्त्रणमा लिने अभियान अन्तरतग एक महिनाको अवधिमा उक्त हतियारहरु फेला पारि नियन्त्रणमा लिईएको ताप्लेजुङ प्रहरी प्रमुख तथा प्रहरी नायव उपरिक्षक संजयसिंह थापाले बताउनुभयो । बिहिबार पत्रकार सम्मेलनको आयोजना गरि हतियार सार्वजानिक गर्दै थापाले यस्ता हतियार नियन्त्रणमा लिने अभियान जारी रहेको बताउनुभएको छ । पछिल्लो समयमा घरेलु हातहतियारका कारण अपराधिक घटनामा बृद्धि हुँदै गए पछि जिल्ला प्रशासन कार्यालयको अगुवाईमा स्थानीय तह संग समन्वय गरि हतियार संकलन गर्ने अभियान नै सञ्चालन भएको छ ।

स्थानीय तह र प्रहरी मार्फत स्थानीयलाई सुचना गरि हतियार बुझाउन अनुरोध गरि संकलन गर्ने कार्य भईरहेको प्रमुख जिल्ला अधिकारी अनुज भण्डारीले बताउनुभयो । सुरुमा हतियार बुझाउन अनुरोध गर्ने र स्वत नबुझाएमा कानुनी बाटो अपनाएर नियन्त्रणमा लिने भण्डारीले बताउनुभयो ।

ताप्लेजुङमा द्धन्द्धको समय यता ८० थान बढि हतियार संकलन भएकाछन् । जिल्लामा बैधानिक रुपमा १२ बोरे ११७ थान, २२ बोरे २० थान, भरुवा २२८ र हावादारी २ थान हतियार रहेको जिल्ला प्रशासन कार्यालयले जनाएको छ । यि मध्ये १२ बोरे र २२ बोरे सम्वन्धित जिल्ला प्रशासन कार्यालयमा नै दर्ता हुने भए पनि मुलुकका जुनसुकै जिल्लाबाट नविकरण हुने व्यवस्था रहेको छ । यस्तै भरुवा बन्दुक पहिले साविकको गाविसबाट नविकरण हुने भए पनि अहिले जिल्ला प्रशासन कार्यालयबाट नविकरण हुने व्यवस्था छ ।

प्रकाशित मिति : शुक्रबार, चैत्र १, २०७५

प्रतिकृया दिनुहोस


भर्खरै


© copyright 2019 and all right reserved to Prabhav News | Site By : SobizTrend Technology