सोमवार, साउन ६, २०७६
Monday, Jul 22, 2019
Prabhav News

खोटाङमा ट्याक्टर दुर्घटना, तीन जनाको मृत्यू, एक घाईतेलाई हेलीकोप्टरमार्फत काठमाडौं पठाईयो



खोटाङमा ट्याक्टर दुर्घटना, तीन जनाको मृत्यू, एक घाईतेलाई हेलीकोप्टरमार्फत काठमाडौं पठाईयो

प्रभाव न्यूज डटकम संवाददाता, खोटाङ, पुस ८ – खोटाङमा ट्याक्टर दुर्घटना हुँदा तीनजनाको ज्यान गएको छ ।

दिक्तेलबजारबाट दिक्तेल रुपाकोट मझुवागढी नगरपालिका–९ निर्मलीडाँडा जाँदै गरेको को २ त ५६६० नम्बरको खाली ट्याक्टर दिक्तेल रुपाकोट मझुवागढी नगरपालिका–६ नेर्पाको कालीखोलामा दुर्घटना हुँदा निर्मलीडाँडाका ट्याक्टर चालक तथा ट्याक्टर धनी ३५ वर्षीय मिनप्रसाद लुईटेल, सोही ठाउँका २१ वर्षीय माईकल राई र दिक्तेल रुपाकोट मझुवागढी नगरपालिका–७ दोर्पाचिउरीडाँडाका १८ वर्षीय खेमराज भुजेलको मृत्यु भएको हो ।

लुईटेल र राईको घटनास्थलमै तथा भुजेलको जिल्ला अस्पतालमा उपचारकोक्रममा आईतबार बिहान मृत्यु भएको जिल्ला प्रहरी कार्यालय खोटाङका डिएसपी राजकुमार केसीले बताउनुभयो ।

दुर्घटनामा गम्भीर घाईते भएका निर्मलीडाँडाका २१ वर्षीय दुर्गाबहादुर लुईटेलको अवस्था चिन्ताजनक छ । उनलाई हेलीकोप्टरबाट काठ्माण्डौं पठाईएको छ ।

ट्याक्टर सडकबाट करिब २ सय मिटर तल खसेको थियो । दुर्घटनाको कारण खुल्न नसकेको प्रहरीले जनाएको छ ।

प्रकाशित मिति : आइतवार, पुस ८, २०७५

प्रतिकृया दिनुहोस


भर्खरै


© copyright 2019 and all right reserved to Prabhav News | Site By : SobizTrend Technology