खोटाङमा १३ दिनदेखि दुई वालिका वेपत्ता, खोजी कार्यका लागि सवैले सक्दो शेयर गरौं

खोटाङ, साउन १२ । खोटाङमा १३ दिनदेखि दुई वालिका वेपत्ता भएका छन् । खोटेहाङ गाउँपालिका वडा नम्बर–८ सिमपानीस्थित कात्तिकेकी १३ वर्षिय अनिता श्रेष्ठ र सोहि ठाउँकी १५ वर्षिय सपना तामाङ वेपत्ता भएका हुन ।
गत असार ३२ गते खाना खाएर सुतेका दुई वालिका उज्यालो हुँदा घरमा नभएको र हालसम्म पनि सम्पर्कमा नआएको परिवारीक स्रोतले जानकारी दिएको छ ।

कक्षा ३ मा अध्यनरत अनिता र कक्षा ५ मा अध्यनरत सपना वेपत्ता भएसंगै हालसम्म खोजीकार्य गरेको भएपनि कतै फेला पार्न नसकिएको सपनाकी दिदि सविना तामाङले जानकारी दिनुभयो । उहाँले भन्नुभयो, “आफन्त, नरनाता सवै ठाउँमा खोजि गरिसक्यौं, कतै फेला परेनन्, कहाँ गए भन्नेनै यत्तिका समय वितिसक्दा पनि पक्ता लगाउँन सकिएन ।”

अनिता र सपना हराएदेखी नै सवैतिर खोजी गर्ने कार्य भईरहेको भएपनि हालसम्म उनिहरु सम्पर्कमा नआउँदा परिवारमा रुवावासी भएको छ ।
वालवालिकाको खोजी कार्यका लागि उदयपूरको गाईघाटमा प्रहरीलाई जानकारी गराईसकिएको र जिल्ला प्रहरी कार्यालय खोटाङमा तत्काल जानकारी गराईने सविनाले जानकारी दिनुभयो ।